Sunday, August 18, 2013

സഹനം !

ഞാന്‍ നടന്ന വഴിയോളം 
നീ നടന്നിട്ടുണ്ടോ;
ഞാന്‍ കടന്ന കടലോളം 
നീ കടന്നിട്ടുണ്ടോ;
ഞാന്‍ കണ്ട കിനാവോളം
നീ കണ്ടിട്ടുണ്ടോ ;

ഇല്ല; ഒരിക്കലുമില്ല;
നിന്‍റെ പരിമിതികള്‍ക്കുള്ളില്‍
ഒതുങ്ങുവാനായിരുന്നു
നിനക്ക് കൂടുതല്‍ ഇഷ്ടം.
അല്ല; അങ്ങനയല്ല;
പരിമിതികളുടെ ചങ്ങലപ്പൂട്ടിനാല്‍
എന്നും ഞാന്‍ നിന്നെ തളച്ചിട്ടിരുന്നു.

അപ്പോഴും ഒരു കാര്യത്തില്‍ നീ
എന്നെ തോല്‍പ്പിച്ചു.
നീ പൊഴിച്ച  കണ്ണീരോളം
എന്‍റെ കണ്ണുനിറഞ്ഞൊഴുകാന്‍
നീ എന്നെ അനുവദിച്ചില്ല.