നൊമ്പരങ്ങള്‍

ചില നൊമ്പരങ്ങള്‍ അങ്ങനെയാണ്

കണ്ണിന്നു മുന്‍പില്‍ വീണ്ടും വീണ്ടും

അതങ്ങനെ വന്നു നില്‍ക്കും !!

ചിലത് കെട്ടുപൊട്ടിച്ചോടുന്നവ;

ചവിട്ടിയരക്കപ്പെട്ടവ; നിര്‍ജ്ജനീകരിച്ചവ;

കല്‍തുറുങ്കിലടച്ചവ; കരിപിടിച്ചവ;

മറ്റുചിലത് ഓര്‍മ്മകളെ മുറിപ്പെടുത്തുന്നവ;

കാലഹരണപ്പെട്ടവ വേറയും.

ചിലത് കെട്ടുപിണഞ്ഞു കിടക്കുന്നവ;

മഴയത്തു നനഞ്ഞവ;

അജ്ഞാതമായതു പിന്നെയും

ആക്രോശിക്കുന്നവ; ബന്ധനമറ്റവ;

ചിലത് ചരിത്രത്തിനു പിന്നിലോടുന്നവ;

ചേതനയറ്റവ; ചിന്തയില്ലാത്തവ;

ചിലത് സ്വതന്ത്രമായാവ;

മറ്റുചിലത് തെളിയാതെ പോയവ

മയങ്ങിക്കിടക്കുന്നവ; ശാപഭാരമേറ്റവ;

വേറയും ചിലത് ശാന്തതയേകുന്നവ;

പുതുജീവന്‍ തരുന്നവ; പൂര്‍ണ്ണത വന്നവ;

പുളകം തരുന്നവ; പൂക്കാന്‍ കൊതിച്ചവ;

പ്രണയം തരുന്നവ; മധുരം തരുന്നവ;

അങ്ങനെ പിന്നെയും പിന്നെയും

ഒരുപാടു; അറിയപെടാത്തവ !

(Mukesh M)