കാത്തിരിപ്പ്:-
വിരിയാനാവാതെ വീര്പ്പുമുട്ടുന്ന
കുറച്ചു ശ്വേതപുഷ്പ
മുകുളങ്ങളുണ്ടിവിടെ,
എന്റെ ഈ കൊച്ചു പൂന്തോപ്പില്.
നിന്റെ വരവിനേയും
കാത്തിരിക്കുന്നവ;
നിന്റെ പരാഗണരേണുവില് ജനിച്ചവ;
നീ വര്ണ്ണച്ചിറകു
വിരിച്ചാടിപ്പറന്നു-
പൂമ്പൊടി വിതറി ത്രസിപ്പിച്ചവ.
മുറിവ്
ഞാന്, ഇന്നൊരു മുറിവാണ്,
വാക്കിന് വാള് മുനകളാല് നീ-
കോറിവരച്ച്; രക്തം ചിന്തിയ മുറിവ്.
അനേകം രക്തബാഷ്പങ്ങള് ഉറ്റിയുറ്റിപ്പോയിരിക്കുന്നു.
നീ മാത്രം വീണ്ടും
എന്തിനിവിടെ കട്ടപ്പിടിച്ചിരിക്കുന്നു.
മോക്ഷം:-
കുറച്ചു കനല് തരൂ !!!
എരിയാന് വെമ്പിനില്പ്പുമല്പ്പം
കരിയിലകളുണ്ടെന്- ഈ
കൊച്ചു ഹൃദയത്തുരുത്തില്;
പണ്ടെന്നോ, ഞെട്ടറ്റുവീണടിഞ്ഞു
കരിഞ്ഞുണങ്ങി പാകമായത് !!
..................................................................................................................